உயிரின் வேர்கள் -4

இறையின் நேசத்திற்கு 

பிறகு ..

இவர் நேசமே எனக்குண்டு 

என்று

அபூபக்கர் (ரலி )அவர்கள் பக்கம்

நம் நபி (ஸல் )பகர்ந்தார்கள் 

இஸ்லாத்தின் பிரச்சாரம் ...

துவங்கிய 

காலமதில்..

இன்னல்கள் பல ஏற்று 

ஏந்தல் நபி

வழி சென்றார் ..

நன்மை செய்வதில்

 நபி தோழர்களுக்குள் 

செல்வத்தை இழந்தாலும்

 நன்மை பெற

முயலும் நபி தோழர்கள் 

எல்லா சஹாபிகளும்

வியக்கும் வண்ணம் 

நன்மைகள் பல செய்து

முதன்மையாய்

 வந்து நிற்பார் ..

அபூபக்கர் ரலி எனும் தோழர் ...

மக்கத்து காபிர்கள் ...

நபிகளாரின் உயிருக்கு ...

உலை வைக்க 

நினைத்ததுமே ...

மதீனா மண்ணிற்கு ஹிஜ்ரத் எனும்

இடம் பெயர்வு நிகழ்ந்த பொழுது

நபிகளாரின் நிழலாக ..

உடன் சென்றார் 

உத்தம நபி தோழரவர்

கவுர் எனும் குகை தங்கி ..

காத்தமுநபியுடன் சென்றவரும்

அபூபக்கர் (ரலி ) அவர்களே

குறைவில்லா செல்வமதை பெற்றிருந்த

பெருமகனார் 

பூமான் நபி (ஸல் ) அவர்களோடு

மதினாவிற்கு சென்ற பொழுது ...

ஈமான் எனும் செல்வத்தை மட்டுமே

உள்ளத்தில் எடுத்து சென்றார் ..

நபி (ஸல் )சொன்ன வார்த்தைக்கு

ஆம் என்ற பதில் மட்டும் ..

அபூபக்கர் (ரலி ) வாழ்வு தன்னில்

வந்ததுதான் சரித்திரம் ..

உயிரையும் உடமையையும்

காத்திடவே நாம் நினைப்போம் ..

உயிரையும் உடமையையும் ..

அல்லாஹ்வின் தூதருக்காக 

உதறி செல்ல ..

நினைத்த தோழர்கள் 

அவர்களே நம் 

உயிரின் வேர்கள் ..

(இன்ஷா அல்லாஹ் தியாகங்கள் தொடரும் )

அதிரை சித்திக்