சேமிப்பு

கடனட்டைச் சேற்றுக் கடலிலே மூழ்கி
மடமைக்குப் பின்னால் மடிந்து விடாதிருக்கச்
சிக்கனம் தானே சிறந்த படகாகும்
இக்கணம் தீர்வாம் இது


விந்தணுச் சேமிப்பால் வெல்லுமே இல்லறம்
செந்தமிழ்ச் சேமிப்பால் சிந்துமே சொல்லெழில்
முந்தையர்ச் சேமிப்பால் முன்னேற்றம் காண்கின்றோம்
தந்தையர்ச் சேமிப்பைத் தாங்கு


அறிவாற்றல் சேமிப்பால் ஆகும் பதவி
நெறிவாழ்வின் சேமிப்பே நீள்பயணத் தோழன்
வறியோர்க்குச் செல்வத்தை வாரி வழங்கு
பறிபோகாச் சேமிப்பாம் பார்



தேனாய் பிரியுமே தேனீயின் சேமிப்பு
ஊனாய் பிரியுமே ஊணுண்டச் சேமிப்பு
மேகத்தின் சேமிப்பு மேவிடும் மாரியாய்
சோகத்தின் சேமிப்புச் சோர்வு.


சாதனையாய்ச் சேரும் சடையா உழைப்புமே
ஊதியமாய்ச் சேரும் உழைத்தவர் சேமிப்பு
பேரும் புகழும் பெறுதலும் சேமிப்பு
யாரும் பிரிகிலார் யாங்கு





அபுல்கலாம் பின் ஷைக் அப்துல்காதிர்

“கவியன்பன்” கலாம், அதிராம்பட்டினம்( பாடசாலை), அபுதபி (தொழிற்சாலை)
அலை பேசி: 00971-50-8351499 / 056 7822844
வலைப்பூந் தோட்டம்: http://www.kalaamkathir.blogspot.com/ (கவிதைச்சோலை)
மின்னஞ்சல்: kalaamkathir7@gmail.com